Ադրբեջանական բանակի կորուստները 2023 թ.

Կասպյան ռազմական հետազոտությունների ինստիտուտի մոնիտորինգի արդյունքների համաձայն՝ 2023 թվականին Ադրբեջանի անվտանգության և պաշտպանության ոլորտը կորցրել է առնվազն 260 զինծառայող, դրանցից 212-ը մարտական ​​կորուստներ են, իսկ 48-ը՝ ոչ մարտական ​​կորուստներ։

Ըստ գնահատականների` ընդհանուր առմամբ 2023 թվականին հայկական գնդակից զոհվել է 208 մարդ, ականների պայթյունից՝ 4, ճանապարհատրանսպորտային պատահարներից կամ տարբեր ավտովթարներից՝ 8, տարբեր հիվանդություններից՝ 9, անօրինական միջադեպերից՝ 2, զինված արշավանքներից՝ 2, զինված հարձակումներից՝ 1 հոգի, անզգուշության, վթարի հետևանքով` 6 մարդ։

2023 թվականին ընդհանուր առմամբ ինքնասպան է եղել 20 զինվորական։

Այս ընթացքում զոհվածներից 228-ը եղել են Պաշտպանության նախարարության անդամներ։ Մնացած 9 հոգին եղել են Պետական ​​սահմանապահ ծառայության զինծառայողներ, 3-ը՝ ԱԻՆ-ի, 17-ը՝ Ներքին զորքերի, 1-ը՝ Ռազմավարական օբյեկտների պահպանության վարչության, 1-ը՝ Արդարադատության նախարարության և 1-ը` Թվային զարգացման և տրանսպորտի նախարարության ռազմական անվտանգության վարչության անձ։

Ըստ հաղորդագրությունների` զինվորականների մեծ մասը (առնվազն 200 մարդ) 2023 թ. սեպտեմբերին է ոչնչացվել: Հետազոտությունը ցույց է տալիս, որ ամենաշատ միջադեպերը տեղի են ունեցել ԼՂ հակամարտության գոտում։

Կազմակերպության տվյալներով՝ անցած տարի Ադրբեջանի բանակի 536 ադրբեջանցի զինծառայող էլ վնասվածքներ է ստացել։