Սիրիայում տեղի ունեցած երկրաշարժի հետևանքով առնվազն 20 մարդ փախել է սիրիական բանտից, որտեղ պահվում են ԴԱԻՇ-ի բանտարկյալները

Երկուշաբթի բանտարկյալներն ապստամբել են Սիրիայի հյուսիսարևմտյան բանտում մահացու երկրաշարժից հետո, և առնվազն 20 մարդ փախել է բանտից, որտեղ հիմնականում գտնվում էին ԴԱԻՇ խմբավորման անդամները:

Թուրքական սահմանի մոտ գտնվող Ռաջո քաղաքի ռազմական ոստիկանության բանտը պահում է մոտ 2000 բանտարկյալ, որոնցից մոտ 1300-ը կասկածվում են ԴԱԻՇ-ի զինյալ լինելու մեջ, ասել է աղբյուրը։

Բանտում են գտնվում նաև քրդերի գլխավորած ուժերի մարտիկները:

«Երկրաշարժից հետո Ռաջոն տուժեց, բանտարկյալները սկսեցին ապստամբել և իրենց վերահսկողության տակ առան բանտի մի մասը,- ասել է Ռաջոյի բանտի պաշտոնյան, որը վերահսկվում է թուրքամետ խմբավորումների կողմից:- Մոտ 20 բանտարկյալ, որոնք, ենթադրաբար, ԴԱԻՇ-ի զինյալներ են, փախել է»:

Աղբյուրը հավելել է, որ 7.8 մագնիտուդ ուժգնությամբ երկրաշարժը, որին հաջորդել են տասնյակ հետցնցումներ տարածաշրջանում, վնաս է հասցրել բանտին, պատերը և դռները ճաքել են:

Բրիտանական Մարդու իրավունքների պաշտպանության սիրիական դիտորդական խումբը հայտարարել է, որ չի կարող ճշտել, թե արդյոք գերիները փախել են, բայց հաստատել է, որ ապստամբություն է տեղի ունեցել: