Ուկրաինան ԱՄՆ-ից ավելի շատ «Stinger» հրթիռներ է ստանում այս կարևոր պահին

Մարտի 12-ին Միացյալ Նահանգները հայտարարեց Ուկրաինային 300 միլիոն դոլարի օգնության փաթեթի մասին: Օգնության այս փաթեթը հիմնականում բաղկացած է զինամթերքից, որն Ուկրաինային խիստ անհրաժեշտ է։ Մասնավորապես այն ներառում է  «Stinger» զենիթահրթիռային համալիրներ, որոնք մարդու կողմից տեղափոխվող «երկիր-օդ» հրթիռներ են։ Վերջիններիս առաքման ժամկետը խիստ հրատապ է և համընկնում է ռուսական օդային գործողությունների վերջին ակտիվացման հետ: Ռուսական ինքնաթիռները զգալի դեր են խաղում նոր հարձակման մեջ՝ աջակցություն ցուցաբերելով իրենց ցամաքային ուժերին, ուստի սեփական տարածքը պահելու համար ուկրաինացիները պետք է կարողանան խոցել ռուսական օդանավերը, ինչին մեծապես կնպաստեն «Stinger» հրթիռները:

«General Dynamics»-ի մշակած «FIM-92 Stinger»-ը եղել է Միացյալ Նահանգների ռազմական զինանոցի անբաժանելի մասը 1981 թվականից: Բացի դրանից՝ այս համակարգը ռազմական զինանոցի հիմնական բաղադրիչն է ողջ աշխարհով մեկ զինվորականների համար: