Մարոկկոյի «F-16 Block 70» ինքնաթիռները հագեցած են «Viper Shield EW» առաջադեմ էլեկտրոնային պատերազմի համակարգերով

Ամերիկյան «L3Harris Technologies» ընկերությունը վերջերս հայտարարեց, որ հասել է կրիտիկական փուլ «Viper Shield EW» (Electronic Warfare) համակարգի դիզայնի վերանայման հարցում, որը հարձակողական և պաշտպանական հնարավորություններ կտրամադրի արտահանման համար նախատեսված վերջին սերնդի «F-16 Block 70/72» կործանիչներին:

«Viper Shield» համակարգը հաջողությամբ անցել է հավաստագրման այս կարևոր քայլը «F-16»-ի արտադրող «Lockheed Martin»-ի, ինչպես նաև ԱՄՆ ռազմաօդային ուժերի հետ: «AN/ALQ-254 (V) 1 Viper» համակարգն օդանավին կտրամադրի վիրտուալ վահան հիշողության վրա հիմնված թվային մուլտիպլեքսային խցանման համակարգի միջոցով:

2022-ի վերջին «Viper Shield»-ը ցույց տվեց փոխգործունակություն «APG-83» ակտիվ փուլային զանգվածի ռադարի հետ «Lockheed Martin's Systems Integration Laboratory»-ում փորձարկման ժամանակ: Ներքին տեղադրված «Viper Shield»-ն աշխատում է բաց համակարգերի ճարտարապետությամբ՝ օգտագործելով COTS՝ ապագա թարմացումներին աջակցելու և կյանքի ցիկլի ծախսերը նվազեցնելու համար:

«L3Harris»-ը մշակել և ֆինանսավորել է «Viper Shield»-ը ներքին հետազոտության, զարգացման (R&D) և միջազգային ներգրավվածության միջոցով:

Ամերիկյան «L3Harris»-ը մատակարարում է Մարոկկոյի զինվորականների կողմից օգտագործվող բազմաթիվ իրեր, ինչպիսիք են «Bell» ուղղաթիռների ռադարները: Օրինակ՝ թուրքական «Baykar Makina» ավիաարտադրողի կողմից Մարոկկո մատակարարված «Bayraktar TB-12» անօդաչու սարքերը հագեցած են «Wescam MX-15» էլեկտրաօպտիկական թիրախավորման համակարգով։