ՄԱԳԱՏԷ-ի ներկայացուցիչներն առաջիկա օրերին կայցելեն Իրան
Ատոմային էներգիայի միջազգային գործակալության (ՄԱԳԱՏԷ) պաշտոնյաները մեծ հավանականությամբ առաջիկա օրերին կայցելեն Իրանի Իսլամական Հանրապետություն։ Ըստ «Դետք»-ի՝ տեղեկությունը հայտնում է իրանական կառավարամետ «Mehr» լրատվական գործակալությունը։
Հաղորդվում է, որ ներկայումս Իրանն ու գործակալության ներկայացուցիչները աշխատում են ՄԱԳԱՏԷ-ի տնօրենների խորհրդի նիստից առաջ երկկողմ համագործակցության տեքստի նախագիծը վերջնական տեսքի բերելու ուղղությամբ։
Հայտնի է, որ Իրանն ու ՄԱԳԱՏԷ-ն արդեն սկսել են բանակցությունները տեքստի նախագծի շուրջ այն բանից հետո, երբ գործակալության գլխավոր տնօրեն Ռաֆայել Գրոսսին անցյալ շաբաթ այցելեց Թեհրան:
Այցի ընթացքում Գրոսսին և իրանցի պաշտոնյաները պայմանավորվել են, որ Իրանի և գործակալության միջև 2023 թվականի մարտին ձեռք բերված համաձայնությունը կօգտագործվի որպես փոխադարձ համագործակցության հիմք։
Այցի վերաբերյալ այլ տեղեկություններ դեռևս հայտնի չեն։
Add new comment