Ջեյհուն Բայրամովը Լուի Բոնոյի հետ քննարկել է Հայաստանի հետ «խաղաղության» շուրջ բանակցությունները
Բաքվի Հանրապետության արտգործնախարար Ջեյհուն Բայրամովը Հայաստանի հետ «խաղաղության» բանակցությունների մասին տեղեկացրել է ԱՄՆ պետդեպարտամենտի կովկասյան բանակցությունների գծով ավագ խորհրդական Լուի Բոնոյին։
Հանդիպմանը քննարկվել են ադրբեջանա-ամերիկյան երկկողմ և բազմակողմ համագործակցության օրակարգի, ինչպես նաև հետհակամարտային շրջանում տարածաշրջանային խաղաղության գործընթացի տարբեր ասպեկտներ։
Բայրամովն ընդգծել է, որ սահմանազատման հանձնաժողովների միջև վերջերս ձեռք բերված պայմանավորվածությունը, որը ներառում է Հայաստանի կողմից օկուպացված 4 գյուղերի վերադարձը, ևս մեկ անգամ հաստատել է երկկողմ բանակցային գործընթացի օգտակարությունը տարածաշրջանային խաղաղության և ամրապնդման գործում իրական ներդրում ունենալու առումով։
Add new comment