Ադրբեջանի սանձարձակության սկիզբն է դեռ
Ադրբեջանագետ Տաթևիկ Հայրապետյանը տելեգրամյան ալիքում գրում է. «Մենք անհանգստացած ենք Ֆրանսիայի որոշ քաղաքներում ցուցարարների դեմ ոստիկանության բռնությունների և արցունքաբեր գազի կիրառմամբ։ Անընդունելի է ուժի չափից ավելի կիրառումը խաղաղ ցուցարարների նկատմամբ, ովքեր իրականացնում են հավաքների և ազատ արտահայտվելու իրենց իրավունքները»: Գիտե՞ք այս հայտարարությունը որ երկրի ԱԳՆ-ն է արել։
Պատկերացրեք, որ սա Ադրբեջանի ԱԳՆ-ն է հայտարարել։ Սա իհարկե, անհեթեթություն է թվում, բայց իրականություն է։ Բռնապետ, ագրեսիայի ու պատերազմ սանձազերծած, էթնիկ զտում ու բռնի տեղահանություն իրագործած, էթնիկ հայի հանդեպ պետական մակարդակով ատելություն քարոզող այս երկիրը այնքան է հղփացել համատարած լռության ու հանդուրժողականության շնորհիվ, որ ռիսկ է անում նման հայտարարություն անել ու միջամտել ԵՄ անդամ պետության ներքին գործերին։ Սա Ադրբեջանի սանձարձակության սկիզբն է դեռ։
Հիշեցնեմ նաև, որ մարդու իրավունքների հարցում վատագույն ցուցանիշներ գրանցած պետությանը՝ Ադրբեջանին, ՄԱԿ-ի Կլիմայի փոփոխության մասին շրջանակային կոնվենցիայի Մասնակիցների կոնֆերանսի 29-րդ նստաշրջանը («COP29») Բաքվում անցկացնելու հնարավորություն հենց Հայաստանն է տվել Ադրբեջանին։ Դա կարևոր գործիք է Ալիևի իրագործած հանցանքները մաքրազերծելու համար, և դա Ալիևին տվել է Փաշինյանը։ Մնացած հետևությունները թողնում եմ ձեզ․․․»:
Add new comment