Ուկրաինայի նախագահը զանգահարել է Ադրբեջանի նախագահին

Ուկրաինայի նախագահ Վլադիմիր Զելենսկին փետրվարի 15-ին զանգահարել է Ադրբեջանի նախագահ Իլհամ Ալիևին։

Այս մասին հայտնում է ադրբեջանական APA գործակալությունը։

Հեռախոսազրույցի ընթացքում Ուկրաինայի նախագահը շնորհակալություն է հայտնել նախագահ Իլհամ Ալիևին Ուկրաինայի  տարածքային ամբողջականությանը և ինքնիշխանությանն աջակցելու, ինչպես նաև մարդասիրական օգնություն ցուցաբերելու համար։

Երկու երկրների նախագահները քննարկել են միջազգային հարթակներում համագործակցությանը վերաբերող հարցեր:

Նշենք, որ Ադրբեջանն Ուկրաինային տրամադրել է ավելի քան 17․5 մլն դոլարի մարդասիրական օգնություն, իսկ դեկտեմբերին հատկացրել է նաև գեներատորներ։