1929 և 1933 թվականների քարտեզներով, այսպես կոչված՝ «Քյարքի» բնակավայր ընդհանրապես չի եղել. Դանիելյան
Արդարադատության նախկին նախարար, իրավաբանության դոկտոր, պրոֆեսոր Գևորգ Դանիելյանը ֆեյսբուքյան էջում գրում է. «Ադրբեջանը մեր տարածքը մաս֊մաս հափշտակում է՝ դասական կողոպուտի իմաստով, քանզի բռնություն գործադրելու անպատասխան սպառնալիքով ամեն ինչ բացահայտ է արվում։ Այո՝ հենց մեր տարածքը, քանզի իրավաչափ հիմքերին բազմիցս եմ անդրադարձել։ Եվ որպեսզի վաղն էլ Տիգրանաշենի առնչությամբ չասենք, որ իբր 1978 թ. քարտեզներով Ադրբեջանի կազմում է եղել, ապա ի սկզբանե հավաստիացնեմ, որ 1929 թվականի, ինչպես նաև 1933 թվականի քարտեզներով, այսպես կոչված՝ «Քյարքի» բնակավայր ընդհանրապես չի եղել։ Իսկ ինչպե՞ս է առաջացել անկլավ, դե շատ պարզ ու հասարակ՝ նախ, անասնապահները, պատմական Տիգրանաշենի տարածքն օգտագործել են որպես արոտավայր, սկզբի համար կառուցել մի քանի տնակներ, կազմակերպել թաղումներ, իսկ մնացածը տեխնիկայի գործ է։
Ո՞րն է տարբերությունը՝ մենք արյունով ենք ազատագրում, իրենք «խաղաղությամբ» են հափշտակում ...»:
Add new comment