Վաշինգտոնն առաջարկում է Երևանին մոդուլային ատոմակայանի նախագիծ, թեև ԱՄՆ֊ում նման կայանների կառուցումը հաջողությամբ չի պսակվում. փորձագետ

Քաղաքական գիտությունների դոկտոր, պրոֆեսոր Վահե Դավթյանը տելեգրամյան ալիքում գրում է. «Վաշինգտոնը շարունակում է Երևանին փոքր հզորության մոդուլային ատոմակայանի նախագիծ առաջարկել,  թեև ԱՄՆ֊ում նման կայանների կառուցումը, մեղմ ասած, հաջողությամբ չի պսակվում։

Բավական է նշել, որ ԱՄՆ-ում վերջերս չեղարկվել է  առաջին փոքր մոդուլային ռեակտորի կառուցումը` հաշվի առնելով վերջինիս կողմից արտադրվող էլեկտրաէներգիայի չափազանց բարձր գինը։

Նախագծի չեղարկման մասին որոշումը կայացվեց այն բանից հետո,  երբ  այն իրականացնող NuScale ընկերությունը հայտարարեց արտադրվող էլեկտրաէներգիան 53%-ով թանկացնելու մասին։

Ի սկզբանե  ընկերությունը խոստացել էր 1 ՄՎտ.ժ-ը վաճառել $58-ով: Այժմ գինը հասցվել է $89֊ի։

NuScale-ը նահանգին կվճարի $49,8  մլն փոխհատուցում։

Հիշեցնեմ, որ աշխարհում միայն Չինաստանն ու Ռուսաստանը ունեն փոքր ատոմային ռեակտորների կառուցման ու շահագործման փորձ։

Ուշագրավ է նաև, որ 1979 թ.֊ի Three Mile Island ԱԷԿ֊ի վթարից ի վեր ԱՄՆ֊ում ոչ մի ատոմակայան չի կառուցվել։

Եվ դա առնվազն պետք է հաշվի առնել Հայաստանում  խաղաղ ատոմի" ապագան սահմանելիս»։