35 տարի առաջ այս օրը սկիզբ առավ Արցախյան շարժումը։

Պայքար, որի կարևորագույն և հիմնական նպատակն էր Արցախի հայ բնակչության ազատ ինքնորոշումը։1988-ի սկզբներին Արցախում, այնուհետև Երևանում սկսված զանգվածային ցույցերը կոչ էին անում Ադրբեջանական ԽՍՀ-ի կազմում Լեռնային Ղարաբաղի ինքնավար մարզը վերամիավորել Խորհրդային Հայաստանի հետ։

1988թ.-ի փետրվարի 20-ին Լեռնային Ղարաբաղի մարզխորհրդի նստաշրջանը որոշում էր կայացրել դիմել Ադրբեջանական ԽՍՀ,Հայկական ԽՍՀ և ԽՍՀՄ Գերագույն խորհուրդներին ԼՂԻՄ-ը Ադրբեջանի կազմից դուրս բերելու և Խորհրդային Հայաստանի կազմի մեջ ընդգրկելու համար։Փետրվարի 20-ին սկիզբ դրվեց Արցախի վերածննդին և հայկական երկու հանրապետությունների ստեղծմանը։

Մեր ազգի խաղաղ և օրինական քայլերին Ադրբեջանը պատասխանեց Սումգայիթում և այլ վայրերում կազմակերպված կոտորածներով։ Այդ օրերին պարզ դարձավ, որ Արցախի ժողովուրդը դատապարտված է ֆիզիկական բնաջնջման կամ հաղթանակի։

Մինչ օրս ադրբեջանական իշխանությունների համար հայատյացությունը ներքին ու արտաքին քաղաքական գործիք է, ինչպես նաև սեփական ժողովրդի սնուցման աղբյուրը։

Յուրաքանչյուր արցախահայ այսօր աննկարագրելի ցավ է ապրում՝ իր հողում տեսնելով օտարի դրոշը։ Նկատի ունենալով այսօրվա ցավոտ իրականությունը՝ հայ ազգը բռունցքվելու է՝ շրջելով պատմական անարդարությունը, և կրկին իր հողում ծածանելու է հայոց եռագույնը։