Էմիրբեյովն անդրադարձել է ՀՀ Սահմանադրությանը
Ադրբեջանի նախագահի հատուկ հանձնարարությունների գծով ներկայացուցիչ Էլչին Էմիրբեյովը նշել է, որ Ադրբեջանի և Հայաստանի միջև խաղաղության պայմանագրի ստորագրման երկկողմ բանակցությունները մտել են եզրափակիչ փուլ։
Այս մասին հայտնում է ադրբեջանական «Report» կայքը։
Ըստ նրա՝ ապագա խաղաղության պայմանագիրը պետք է վերադարձնի տարածքային պահանջները, վերջ դնի ագրեսիային կամ ռազմական հակամարտություններին, նույնիսկ տեսականորեն: Իբրև թե Ադրբեջանը ցանկանում է կանխել այս սցենարի կրկնությունն ապագայում։
Անդրադառնալով ՀՀ Սահմանադրությանը՝ նշել է, որ Հայաստանը պետք է լուծի Սահմանադրության մեջ իբրև թե տեղ գտած ակնհայտ տարածքային պահանջները Ադրբեջանի ինքնիշխան տարածքի մի մասի նկատմամբ։
«Այնպես որ, այսօր գնդակը Հայաստանի դաշտում է, և հուսով ենք, որ մեր հարաբերությունների ողբերգական էջը շրջելու պատմական հնարավորությունը բաց չի թողնի»,– այս մասին հարցազրույցում ասել է Էլչին Էմիրբեյովը։
Add new comment