Հայաստանը պետք է հրաժարվի իր սպառազինման քաղաքականությունից. Ալիև
Հայաստանը պետք է հրաժարվի իր սպառազինման քաղաքականությունից, դրան պետք է վերջ տալ: Այս մասին ես բազմիցս խոսել եմ։ Եվ նրանք գիտեն, որ իմ խոսքերը լսել է պետք։ Նրանք պետք է հրաժարվեն դրանից, քանի դեռ ուշ չէ: Նրանք երբեք չեն կարողանա մրցել մեզ հետ։
Նոյեմբերի 8-ոմ ժողովրդին ուղղված ուղերձում այս մասին ասել է Իլհամ Ալիևը։
«Ես հայկական կողմին բազմիցս ասել եմ՝ չպետք է ենթարկվեն սադրանքների, բայց Հայաստանը շարունակում է զինվել։ Մենք, տեսնելով դա, պետք է պատրաստ լինենք ցանկացած սադրանքների։ Ադրբեջանի զինված ուժերը գտնվում են լիարժեք մարտական պատրաստվածության վիճակում»,- ասել է նա:
Ապա սպառնալից ենթատեքստերով իր ուղերձին Ալիևը փորձել է կեղծ խաղաղասիրական երանգ հաղորդել.
«Մենք պատերազմ չենք ուզում, մենք ապահովել ենք մեր տարածքային ամբողջականությունը», - հավատացրել է Ալիևը՝ հավելելով, թե նախկինում իբր «տեղահանվածներն ու փախստականները վերադառնում են իրենց նախնիների հողերը՝ զբաղվելով ստեղծագործական աշխատանքով»:
Add new comment