Հայաստանն ակնկալում է, որ առաջիկա երկու տարում ավելի շատ պրոֆեսիոնալ սպաներ կմիանան զինված ուժերին. Պապիկյան
Հայաստանի պաշտպանության նախարարությունն ակնկալում է, որ իրականացվող ծրագրերի արդյունքում առաջիկա երկու տարիներին զինված ուժերի շարքերը կհամալրեն ավելի շատ սպաներ, ինչպես նաև պրոֆեսիոնալ և բարձր որակավորում ունեցող կադրեր։ Այս մասին նոյեմբերի 13-ին Ազգային ժողովում 2025 թվականի պետական բյուջեի նախագծի քննարկման ժամանակ հայտարարեց ՀՀ պաշտպանության նախարար Սուրեն Պապիկյանը։
Նրա խոսքով` իշխանությունների համար առանցքային ու առաջնահերթ է մնում զինված ուժերը կիրթ ու բանիմաց կադրերով համալրելու քաղաքականությունը։ «Վերջին երկու տարիների ընթացքում մենք կարողացել ենք մի շարք ծրագրեր իրականացնել։ Սրա շնորհիվ առաջիկա տարիներին մեր զինված ուժերի շարքերը կսկսեն ուռճանալ»,- ասաց Պապիկյանը։
Նա հիշեցրեց նաև, որ պետությունն արդեն ընդունել է օրենք թոշակի անցած սպաներին վերանորոգված 3-սենյականոց բնակարան հատկացնելու մասին։ Խոսքը Երևանում բնակարանների մասին է:
Add new comment