Ադրբեջանի նախագահի օգնականը պատասխանել է Բորելին

Եվրամիությունը որպես «այգի», իսկ մնացած աշխարհը որպես «ջունգլի» պատկերելը չափազանց ցավալի է։ Այս հայտարարությունը նման է գաղութատիրության ժամանակաշրջանի «մենք և բարբարոսները» պատմվածքին:

Այս մասին Х-ի իր էջում գրել է Ադրբեջանի նախագահի օգնական Հիքմեթ Հաջիևը՝ ի պատասխան Եվրամիության դիվանագիտության ղեկավար Բորելի հայտարարությունների։

«Կլիմայական փոփոխություններից ամենից շատ տուժում են զարգացող փոքր կղզիները, ինչպես նաև՝ ԵՄ անդամ երկրների անդրծովյան շրջանները, սակայն ինքնակառավարումից զրկված շրջանները չեն կարող բարձրաձայնել իրենց մտահոգությունների մասին և անտեսվում են:
COP29-ում Ադրբեջանը յուրաքանչյուր ձայնի լսելի լինելու հարթակ է տրամադրում», - գրել է նախագահի օգնականը։
Նրա խոսքով, Ադրբեջանը, որպես COP29-ի կազմակերպիչ, արժանացել է միջազգային հանրության բարձր գնահատականին։

«ԵՄ անդամ որոշ երկրներ օգտագործեցին իրենց դիվանագիտական ​​ուղիները՝ այլ երկրներին հետ պահելու COP29-ին մասնակցելուց: Դրանով դուք փորձեցիք խաթարել COP գործընթացը, բայց այդ բոլոր փորձերը ձախողվեցին: Ավելի քան 80 պետությունների և կառավարությունների ղեկավարներ մասնակցեցին COP-ին: 70-ից ավելի մասնակիցներ են գրանցվել: Պարզապես ուզում եմ հիշեցնել, որ COP գործընթացը պատկանում է ՄԱԿ-ին և աշխարհին»,- նշել է Հաջիևը: