Նրանց վերադարձը կքննարկվի Ադրբեջանի օրենսդրությանը համապատասխան. Հաջիևի սադրալից հայտարարությունները

Ադրբեջանի նախագահի օգնական-պետության ղեկավարի վարչակազմի արտաքին քաղաքականության դեպարտամենտի ղեկավար Հիքմեթ Հաջիևը սուր քննադատության է ենթարկել ամերիկացի կոնգրեսական Ֆրենկ Փալոնտին և Բաքու այցելած ամերիկացի սենատոր Էդ Մարկիին՝ իրենց բուռն հայամետ դիրքորոշման համար։

Նախագահի օգնականը համապատասխան հայտարարություն է տարածել  X-ի իր օգտահաշվում:

Հաջիևի խոսքով՝ «անջատողական ռազմական հանցագործների, այդ թվում՝ ապօրինի զենք վաճառող և օլիգարխ Ռուբեն Վարդանյանի հանցագործությունների հետաքննությունը կհասցվի տրամաբանական ավարտին, և նրանք պատասխանատվության կենթարկվեն»։

Անտեսելով Արցախի հայերի վերադարձին չխոչընդոտելու  ՄԱԿ-ի Արադարադատության դատարանի որոշումը, նա նշել է, որ  արցախցիները քաղաքացիություն ստանալու համար կարող են դիմել  «միայն անհատական հիմունքներով», և նրանց վերադարձը կքննարկվի Ադրբեջանի օրենսդրությանը համապատասխան։ «Սակայն դա կարող է տեղի ունենալ միայն փոխադարձության հիմունքներով և Հայաստանից վտարված  բնիկ ադրբեջանցիների վերադարձի իրավունքի ճանաչմանը զուգահեռ», – նշել է խորհրդականը:

Հաջիևն այնուհետև կոչ է արել ամերիկացի օրենսդիրներին չլինել «հայկական լոբբիի գործիքները», ինչը խոչընդոտում է Հայաստանի հետ խաղաղությանը։

Անդրադառնալով կոնգրեսական Ֆրենկ Փալոնեի Բաքու ժամանմանը՝ Հիքմեթ Հաջիևը Ադրբեջանից նրա հապճեպ փախուստն անվանել է «աստվածային հատուցում ադրբեջանական ժողովրդի հանդեպ այն անարդարության համար, որին նա երկար տարիներ սատարում էր»։

Նշենք՛ որ ավելի վաղ Ադրբեջանի նախագահ Իլհամ Ալիևը, ելույթ ունենալով ՄԱԿ-ի կլիմայական գագաթնաժողովի ժամանակ, նավթն ու գազն անվանել էր «Աստծո պարգև», ինչը միջազգային մամուլում մեծ արձագանք և դժգոհություն էր առաջացրել։ COP-ի նպատակն է պայքարել կլիմայական փոփոխությոնների դեմ՝ նվազեցնելով հանածո վառելիքի արտահանումը։