Էրդողանը հավատացնում է՝ Սիրիայում իրադարձություններն իրեն «հանկարծակիի են բերել»
Թուրքիայի նախագահ Ռեջեփ Թայիփ Էրդողանը հավաստիացրել է, որ Սիրիայում վերջին օրերին տեղի ունեցող իրադարձություններն իրեն «հանկարծակիի են բերել»։ Ըստ՝ «Դետք»-ի՝ տեղեկությունը հաղորդում է թուրքական պետական «Անադոլու» լրատվական գործակալությունը։
«Մենք ուշադիր հետևում ենք վերջին մի քանի օրերի ընթացքում հարևան Սիրիայում հանկարծակի բռնկված իրադարձություններին»,- ասել է նա։
Էրդողանի խոսքով՝ Թուրքիան պատրաստ է նպաստել տարածաշրջանում բռնկված հրդեհը մարելուն։ Նրա խոսքով՝ Թուրքիան, իր ազգային անվտանգության առաջնահերթությունների շրջանակում, տեղում վերահսկում է գործընթացը և ձեռնարկում բոլոր անհրաժեշտ միջոցները։
«Թուրքիան կողմ է Սիրիայի տարածքային ամբողջականության պահպանմանը և Սիրիայի ժողովրդի օրինական պահանջներին համապատասխան կայունության ձեռքբերմանը»,- եզրափակել է նա։
Add new comment