«Հիզբոլլահը» ուժերի ներածին չափով կլինի Սիրիայի կողքին. գլխավոր քարտուղար
Լիբանանյան շիական «Հիզբոլլահ» շարժումն ուժերի ներածին չափով կլինի Սիրիայի կողքին, որպեսզի խափանի ահաբեկիչների նպատակները. այս մասին, «Al Jazeera»-ի փոխանցմամբ, հայտնել է շարժման գլխավոր քարտուղար Նաիմ Ղասեմը:
«Նրանք չեն կարողանա հասնել իրենց նպատակներին, չնայած այն ամենին, ինչ արել են անցյալ օրերին, և մենք՝ որպես «Հեզբոլլահ», ուժերի ներածին չափով կլինենք Սիրիայի կողքին այս ագրեսիայի նպատակները խափանելու համար»,- հինգշաբթի ասել է Ղասեմը՝ հավելելով, որ ագրեսիան հովանավորվում է ԱՄՆ-ի և Իսրայելի կողմից։
«Այս ագրեսիայի հովանավորներն ԱՄՆ-ն և Իսրայելն են: Իմացեք՝ Իսրայելի համար ցանկացած շահ ձեր կորուստն է, և այդ կորուստը կազդի ոչ միայն Պաղեստինի, Սիրիայի և Լիբանանի, այլ նաև ձեր երկրների վրա»,- նշել է նա:
Ղասեմը մանրամասներ չի հայտնել, թե ինչպես է «Հիզբոլլահն» աջակցելու Սիրիայի նախագահ Բաշար ալ Ասադին, սակայն ասել է, որ կանի այն, ինչ կարող է:
Add new comment