Ադրբեջանի Միլլի մեջլիսի պատգամավոր Ռամին Մամեդովը նշանակվել է արցախահայերի հետ կապերի պատասխանատու

Ադրբեջանի Միլլի մեջլիսի պատգամավոր Ռամին Մամեդովը նշանակվել է արցախահայերի հետ կապերի պատասխանատու

Մարտի 1-ին Խոջալուի շրջանում  (Իվանյանում) Ռուսաստանի Դաշնության խաղաղապահ զորախմբի շտաբում Ռամին Մամեդովը հանդիպել է Արցախի Հանրապետության ներկայացուցիչների հետ:

Այս մասին հայտնում է ադրբեջանական APA լրատվական  գործակալությունը:

Հանդիպմանը մասնակցել է նաև բնապահպանության և բնական պաշարների նախարարության, էկոնոմիկայի նախարարությանը կից սեփականության հարցերով պետական ծառայության և «AzerGold» փակ բաժնետիրական ընկերության մասնագետներից կազմված բնական ռեսուրսների ապօրինի շահագործման հետաքննության մոնիթորինգի խմբի ղեկավար Մասիմ Մամեդովը: Հանդիպման ընթացքում նախնական քննարկումներ են ծավալվել Արցախի ժողովրդի՝ Ադրբեջանի Հանրապետության Սահմանադրությանը և օրենքներին համապատասխան վերաինտեգրման վերաբերյալ։ Նշվել է, որ Արցախի ժողովրդի հետ շփումները կշարունակվեն, և կտրամադրվի լրացուցիչ տեղեկություն:

 Ադրբեջանի Միլլի մեջլիսի պատգամավոր Ռամին Մամեդովը արցախահայերի հետ կապերի պատասխանատու է նշանակվել:

 Ռամին Մամեդովը

·         2009-2020 թվականներին աշխատել է նախագահի, աշխատակազմի ղեկավարի տեղակալի, Սփյուռքի հետ աշխատանքի պետական կոմիտեի նախագահի օգնականի պաշտոններում։

·         «Նոր Ադրբեջան» (Yeni Azərbaycan) կուսակցության վարչության անդամ է։

·         Ադրբեջան-Թաիլանդ միջխորհրդարանական հարաբերությունների աշխատանքային խմբի ղեկավարն է: Չինաստանի, Ֆրանսիայի, Իսրայելի, Իտալիայի, Կորեայի խորհրդարանների հետ հարաբերությունների աշխատանքային խմբերի անդամ։

·         Սևծովյան տնտեսական համագործակցության կազմակերպության խորհրդարանական վեհաժողովում ադրբեջանական պատվիրակության անդամ է, Եվրամիություն-Ադրբեջան համագործակցության խորհրդարանական հանձնաժողովի անդամ։