Թուրքիայի ցամաքային զորքերի հրամանատարը պաշտոնական այցով գտնվում է Ադրբեջանում
Դեկտեմբերի 23-ին Ադրբեջանի պաշտպանության նախարար Զաքիր Հասանովն ընդունել է պաշտոնական այցով Ադրբեջան այցելած Թուրքիայի ցամաքային զորքերի հրամանատար Սելչուք Բայրաքթարօղլուի գլխավորած պատվիրակությանը։
Նախարարն ընդգծել է երկկողմ ռազմական համագործակցության բարձր մակարդակը և Ադրբեջանի ու Թուրքիայի միջև ռազմավարական գործընկերության դերը «տարածաշրջանում խաղաղության և կայունության ապահովման գործում»։
Այնուհետև Ադրբեջանի բանակի գլխավոր շտաբում կայացած հանդիպմանը ընդգծվել է համատեղ զորավարժությունների անցկացման կարևորությունը երկու երկրների զինվորականների պրոֆեսիոնալիզմի բարձրացման և փորձի փոխանակման գործում։
Կողմերը քննարկել են երկկողմ ռազմական համագործակցության ներկա վիճակը և այլ հարցեր։
Add new comment