Սիրիայի նոր իշխանությունները համաձայնության են եկել զինյալ խմբավորումների հետ
Սիրիայի նոր իշխանությունները հայտարարել են, թե համաձայնության են եկել երկրով մեկ սփռված զինյալ խմբավորումների հետ նրանց կազմալուծման և կանոնավոր բանակին ինտեգրվելու վերաբերյալ: Ըստ «Դետք»-ի՝ այս մասին տեղեկացնում է սիրիական պետական SANA գործակալությունը։
Հաղորդվում է, որ համաձայնությունը ձեռք է բերվել «Հեյեթ Թահրիր ալ-Շամ»-ի առաջնորդ Ահմեդ ալ-Շարաայի և Բաշար ալ Ասադի դեմ պայքարող մյուս զինված խմբերի միջև այսօր տեղի ունեցած հանդիպման ժամանակ։
Հիշեցնենք՝ «Հեյեթ Թահրիր ալ-Շամ»-ը ԱՄՆ-ի և ԵՄ-ի կողմից ահաբեկչական կազմակերպություն է ճանաչվել։
Ավելի վաղ ալ-Շարաան հայտարարել էր, թե Սիրիայում զինված խմբավորումները կարող են գործել միայն պաշտպանության նախարարության հովանու ներքո։
Add new comment