Տետ հարձակում. հասարակության վերաբերմունքը պատերազմի նկատմամբ
Այս իրադարձությունը նշանակալի է նրանով, որ փոխեց ոչ այնքան ռազմական իրադարձությունների ընթացքը, որքան հասարակության վերաբերմունքը 1968 թվականին Վիետնամի պատերազմի նկատմամբ։
Հարավային Վիետնամում պարտիզանական պատերազմը շարունակվում էր գրեթե 10 տարի, իսկ ԱՄՆ-ի լայնածավալ միջամտությունը՝ արդեն 3 տարի։ ԱՄՆ-ում սկսել էին տիրել հակապատերազմական տրամադրություններ: Այդ ամենը ստիպում էր կառավարությանը հայտարարություններ անել, թե թշնամին գրեթե կոտրված է, իսկ պատերազմի ավարտը մոտ է։
Իսկ հետո տեղի է ունենում Տետ հարձակումը:
Տետը Վիետնամում տարվա գլխավոր տոնն է, որի ժամանակ երկու կողմերը սովորաբար զինադադար են հայտարարում։ Բայց այս անգամ այն խաթարվեց հյուսիսվիետնամական բանակի առաջխաղացման պատճառով: Լայնածավալ հարձակումը տևեց մի քանի ամիս, և ռազմական գործողությունների ընթացքում զոհվեցին հազարավոր խաղաղ բնակիչներ։
Հանկարծակի, անկանոն ջարդերն ու դաժան բախումները կառավարության հայտարարությունների ֆոնին, թե «ամեն ինչ վերահսկվում է», բուռն աղմուկ բարձրացրեց հասարակության մեջ: Ամերիկացի քաղաքացիները կորցրել էին իրենց հավատը Վիետնամում ռազմական գործողությունների անհրաժեշտության նկատմամբ, և ժամանակի ընթացքում ամերիկացիները դուրս բերեցին իրենց զորքերը:
Ռազմական առումով Տետ հարձակումը մեծ պարտություն էր Հյուսիսային Վիետնամի ուժերի համար: Այնուամենայնիվ, հանրային ընդվզումը, որը փոխեց վերաբերմունքը պատերազմի նկատմամբ, ի վերջո հանգեցրեց Հյուսիսային Վիետնամի հաղթանակին և Ամերիկայի ռազմական ձախողմանը:
Add new comment