Ռազմական արվեստ. 5 գրքեր՝ ռազմական գործի մասին

Պատերազմը չի սահմանափակվում միայն մարտադաշտով: Այն ընդգրկում է բոլոր ոլորտները՝ քաղաքականություն, բիզնես, անձնական հարաբերություններ, և իր տեղը գտնում է այնտեղ, որտեղ պահանջվում է մտածել, կազմակերպել ու հաղթել:

Եթե պատրաստ եք բացահայտել, թե ռազմի գիտությունը ինչպես  կարող է փոխել ձեր մոտեցումը և մտածողությունը, ապա այս գրքերը պետք է լինեն ձեր նախընտրած ցանկում: Դրանք ոչ միայն պատմում են մարտիկների, խոհեմ առաջնորդների և մեծագույն ռազմագետների մասին, այլ նաև բացահայտում են այն սկզբունքները, որոնք կարող են կիրառվել ցանկացած ոլորտում:

1. «Պատերազմի արվեստը» - Սուն Ցզի (մոտ Ք.ա. 5-րդ դար)

Չինացի ռազմագետի այս դասական աշխատանքը ռազմավարության և մարտավարության վերաբերյալ ամենահայտնի և ազդեցիկ աշխատություններից է։ Գիրքը պարունակում է պատերազմի ամենակարևոր սկզբունքները, որոնք կարող են կիրառվել կյանքի տարբեր ոլորտներում՝ ռազմական գործերից մինչև բիզնես:

2. «Պատերազմի մասին» - Կարլ ֆոն Կլաուզևից (1832 թ.)

Արևմտյան ռազմական տեսության ամենանշանակալի աշխատություններից մեկը, որում Կլաուզևիցը վերլուծում է պատերազմի բնույթը, քաղաքականության հետ դրա կապը և բարոյահոգեբանական գործոնների կարևորությունը։ Նրա «բացարձակ պատերազմի» հայեցակարգը և ռազմական ռազմավարության վերաբերյալ գաղափարները դեռևս այսօր ազդում են ռազմական փորձագետների վրա:

3. «Պատերազմ և խաղաղություն» - Լև Տոլստոյ (1869 թ.)

Թեև ավելի հայտնի է որպես վեպ, «Պատերազմ և խաղաղություն»-ը նաև պատերազմի ժամանակ մարդկային էության խորը ուսումնասիրություն է: Դրանում Տոլստոյը նկարագրում է Նապոլեոնյան պատերազմներին վերաբերող ամենակարևոր պատմական իրադարձությունները և քննում պատերազմի փիլիսոփայական ու բարոյական հարցերը։

4. «Մարտավարություն» - Փլաբիոս Արիանոս

Հռոմեացի պատմաբան և զորավար Արիանոսը գրել է մի քանի աշխատություններ, այդ թվում՝ Ալեքսանդր Մակեդոնացու ռազմական արշավների նկարագրությունը, որոնք կարևոր աղբյուրներ են դարձել այդ դարաշրջանի ռազմավարության և մարտավարության վերաբերյալ։

5. «Ռազմական արվեստի մասին» - Նիկոլո Մաքիավելի

«Ռազմական արվեստի մասին» տրակտատը գրվել է 1521 թվականին։ Դրանում հեղինակը վերլուծում է ռազմական արդյունավետ կազմակերպման, ռազմավարության և մարտավարության սկզբունքները։ Մաքիավելին ընդգծում է, որ պետության հզորության հիմքը բանակն է, որը պետք է լինի կարգապահ ու բարոյապես ամուր։ Գրքում ընդգծվում է զինվորների պատրաստման, գրագետ հրամանատարության և ճիշտ ռազմավարական որոշումների կարևորությունը։