Ադրբեջանը և Ուզբեկստանը զորավարժություններ կանցկացնեն

Ադրբեջանի և Ուզբեկստանի պաշտպանության նախարարությունների միջև ստորագրված 2024 թվականի երկկողմ համագործակցության պլանի համաձայն՝ երկու երկրների միջև կանցկացվի համակարգչային տեխնիկայով մարտավարական հրամանատարաշտաբային զորավարժություն։

Այս մասին հայտնում է ադրբեջանական «Report» կայքը։

Կներգրավվի երկու երկրների ավելի քան 100 զինվորական։

Զորավարժությունների անցկացման հիմնական նպատակն է բարելավել Ադրբեջանի և Ուզբեկստանի բանակների օպերատիվ ստորաբաժանումների փոխադարձ գործունեությունը և բարձրացնել մարտունակությունը, զարգացնել օպերատիվ ստորաբաժանումների հրամանատարների ռազմական որոշումների կայացման, նախաձեռնողականության ու կառավարման հմտությունները։

Վարժանքները կշարունակվեն մինչև հոկտեմբերի 6-ը։