Բաքվի վերջին հայտարարությունները հարցեր են առաջացնում՝ Ադրբեջանը հրաժարվո՞ւմ է խաղաղության օրակարգից. ԱԳՆ խոսնակ
Հայաստանը սպառազինություն և տեխնիկա ձեռք է բերում միայն ինքնապաշտպանության իրավունքը և սեփական քաղաքացիների պաշտպանության պարտավորությունն իրացնելու նպատակով, հայտարարել է ՀՀ արտգործնախարարության խոսնակը։
Անի Բադալյանը, արձագանքելով Ադրբեջանի նախագահի հայտարարությանը Հայաստանի սպառազինության տեխնիկայի ձեռքբերումների վերաբերյալ և հնչեցրած սպառնալիքներին, հիշեցրել է, որ ՄԱԿ-ի կանոնադրությունը յուրաքանչյուր պետության ինքնապաշտպանության իրավունք է վերապահում։
Բացի այդ, ԱԳՆ խոսնակը շեշտել է, որ Ադրբեջանի հարձակողական զինատեսակներով սպառազինման ծավալներն անգամներով ավելին են, ինչի մասին հաճախ հայտարարում է Իլհամ Ալիևը։
Պաշտոնական Երևանը բազմիցս ամենաբարձր մակարդակով հայտարարել է, որ որևէ հարևանի նկատմամբ ագրեսիվ մտադրություններ չունի, ճանաչում է նրանց բոլորի տարածքային ամբողջականությունը և տարածքային պահանջներ չունի։
Պաշտոնական Բաքուն, սակայն, պահանջում է, որ Հայաստանը փոխի իր Սահմանադրությունը, դժգոհում է սպառազինությունից և այլն։ Նախօրեին էլ պնդել է, թե Երևանը պետք է «պատժի ռազմական հանցագործներին»։
Հայաստանի ԱԳՆ խոսնակը հիշատակել է նաև ՀՀ Սահմանադրական դատարանի վերջին որոշումը, որով Բարձր դատարանը ստուգեց և հաստատեց Հայաստանի և Ադրբեջանի սահմանազատման հանձնաժողովների համատեղ գործունեության կանոնակարգի համապատասխանությունը ՀՀ Սահմանադրությանը և հերքեց բոլոր այն պնդումները, թե Սահմանադրությունը տարածքային պահանջներ է պարունակում իր որևէ հարևանի նկատմամբ։
«ՀՀ-ն հայտարարել է նաև, որ չնայած իր որոշակի տարածքներ օկուպացված են, այդ տարածքները ռազմական ճանապարհով վերադարձնելու խնդիր և օրակարգ չունի, որովհետև Սահմանազատման հանձնաժողովների համատեղ գործունեության վերը հիշատակված կանոնակարգը տալիս է այդ խնդիրները խաղաղ, բանակցային ճանապարհով հասցեագրելու և լուծելու բոլոր հնարավորությունները», - նշել է Անի Բադալյանը։
Հայաստանը սպառազինություն և տեխնիկա ձեռք է բերում միայն ինքնապաշտպանության իրավունքը և սեփական քաղաքացիների պաշտպանության պարտավորությունն իրացնելու նպատակով, հայտարարել է ՀՀ արտգործնախարարության խոսնակը։
Անի Բադալյանը, արձագանքելով Ադրբեջանի նախագահի հայտարարությանը Հայաստանի սպառազինության տեխնիկայի ձեռքբերումների վերաբերյալ և հնչեցրած սպառնալիքներին, հիշեցրել է, որ ՄԱԿ-ի կանոնադրությունը յուրաքանչյուր պետության ինքնապաշտպանության իրավունք է վերապահում։
Բացի այդ, ԱԳՆ խոսնակը շեշտել է, որ Ադրբեջանի հարձակողական զինատեսակներով սպառազինման ծավալներն անգամներով ավելին են, ինչի մասին հաճախ հայտարարում է Իլհամ Ալիևը։
Պաշտոնական Երևանը բազմիցս ամենաբարձր մակարդակով հայտարարել է, որ որևէ հարևանի նկատմամբ ագրեսիվ մտադրություններ չունի, ճանաչում է նրանց բոլորի տարածքային ամբողջականությունը և տարածքային պահանջներ չունի։
Պաշտոնական Բաքուն, սակայն, պահանջում է, որ Հայաստանը փոխի իր Սահմանադրությունը, դժգոհում է սպառազինությունից և այլն։ Նախօրեին էլ պնդել է, թե Երևանը պետք է «պատժի ռազմական հանցագործներին»։
Հայաստանի ԱԳՆ խոսնակը հիշատակել է նաև ՀՀ Սահմանադրական դատարանի վերջին որոշումը, որով Բարձր դատարանը ստուգեց և հաստատեց Հայաստանի և Ադրբեջանի սահմանազատման հանձնաժողովների համատեղ գործունեության կանոնակարգի համապատասխանությունը ՀՀ Սահմանադրությանը և հերքեց բոլոր այն պնդումները, թե Սահմանադրությունը տարածքային պահանջներ է պարունակում իր որևէ հարևանի նկատմամբ։
«ՀՀ-ն հայտարարել է նաև, որ չնայած իր որոշակի տարածքներ օկուպացված են, այդ տարածքները ռազմական ճանապարհով վերադարձնելու խնդիր և օրակարգ չունի, որովհետև Սահմանազատման հանձնաժողովների համատեղ գործունեության վերը հիշատակված կանոնակարգը տալիս է այդ խնդիրները խաղաղ, բանակցային ճանապարհով հասցեագրելու և լուծելու բոլոր հնարավորությունները», - նշել է Անի Բադալյանը։
Ավելացնել նոր մեկնաբանություն