Քանաանին շեշտում է՝ Իրանը Հայաստանում ԱՄՆ-ի ներկայությանը դրական չի վերաբերվում
Իրանի Իսլամական Հանրապետության արտաքին գործերի նախարարության մամուլի խոսնակ Նասեր Քանաանին հայտարարել է, որ Իրանը դրական չի վերաբերվում Հայաստանում ԱՄՆ-ի ներկայությանը: Ըստ «Դետք»-ի՝ այս մասին տեղեկացնում է իրանական պետական IRNA լրատվական գործակալությունը։
Իրանցի պաշտոնյան միևնույն ժամանակ շեշտել է, որ Իրանի և Հայաստանի հարաբերությունները բավականին սերտ են և կառուցողական։ Նրա խոսքով՝ երկու երկրներն էլ ցանկանում են զարգացնել բարեկամական ու համապարփակ հարաբերություններ։
«Երկու կողմերն էլ ընդգծում են տարածաշրջանում կայունության և խաղաղության, ինչպես նաև սահմաններին անվտանգության պահպանման կարևորությունը։ Մենք չենք մեկնաբանում երկրների միջև առկա երկկողմ հարցերը, սակայն շեշտում ենք, որ դրական չենք վերաբերվում ԱՄՆ-ի ներկայությանը տարածաշրջանում»,- ասել է նա։
Քանաանին հավելել է, որ Թեհրանն այս կապակցությամբ Երևանին իր մտահոգություններն է հայտնել։
Add new comment