Օգոստոսի 23-ին մեկնարկել է Ադրբեջանի ԶՈՒ ԳՇ պետ Քերիմ Վելիևի այցը Ղազախստան
Այցի շրջանակում պատվիրակությունը հետևելու է «Ոսկե արծիվ-2024» համատեղ մարտավարական հատուկ զորավարժությանը, որին մասնակցել են ադրբեջանական բանակի զինծառայողները։
Այս մասին հայտնում է ադրբեջանական «Report» կայքը՝ հղում անելով Ադրբեջանի պաշտպանության նախարարությանը։
Քննարկվելու են նաև երկու երկրի միջև ռազմական, ռազմատեխնիկական և ռազմակրթական ոլորտներում համագործակցության զարգացման հեռանկարները։
Զուգահեռ ադրբեջանական բանակի հրետանային ստորաբաժանումներն անցկացրել են մարտական պատրաստության վարժանքներ։
Հիշեցնենք, որ օգոստոսի 19-ին մեկնարկել է ադրբեջանցի և ղազախ զինվորների համատեղ զորավարժությունը։
Add new comment