Ադրբեջանի ճնշումից հետո «Հայոց ցեղասպանության» հարցը հանվել է Քնեսեթի օրակարգից. Haaretz
Իսրայելի վարչապետ Բենիամին Նեթանյահուն արգելափակել է Հայոց ցեղասպանության ճանաչման հարցով Կնեսետում նախատեսված քվեարկությունը՝ Ադրբեջանի կողմից գործադրված ճնշումից հետո։ Այս մասին հայտնում է Haaretz-ը՝ հղում անելով իրազեկ աղբյուրի։
Պարբերականի տվյալներով՝ նախաձեռնությունը ներկայացրել էր Իսրայելի արտաքին գործերի նախարար Գիդեոն Սաարը։ Սակայն քվեարկությունը տեղի չի ունեցել այն բանից հետո, երբ Ադրբեջանի նախագահի օգնական Հիքմեթ Հաջիևը՝ նախագահ Իլհամ Ալիևի անունից, կապ է հաստատել Իսրայելի վարչապետի գրասենյակի հետ։
Haaretz-ը նշում է, որ Իսրայելի կառավարությունը դեռ հունիսի 28-ին հավանություն էր տվել Հայոց ցեղասպանության պաշտոնական ճանաչմանը, սակայն որոշումը պետք է ներկայացվեր նաև Կնեսետի հաստատմանը։ Ադրբեջանի միջամտությունից հետո հարցը խորհրդարանի օրակարգ չի բերվել։
Ադրբեջանի իշխանությունները նախկինում քննադատել էին Իսրայելի կառավարության որոշումը և կոչ արել վերանայել այն՝ պնդելով, որ այդ քայլը կարող է վնասել երկու երկրների հարաբերություններին։
Ավելացնել նոր մեկնաբանություն