ԱՄՆ-ն Մերձավոր Արևելքում THAAD հակահրթիռային համակարգեր է տեղակայում
ԱՄՆ-ի հնարավոր հարձակմանն Իրանի պատասխան հարվածի ռիսկի ֆոնին Պենտագոնը Մերձավոր Արևելքի իր ռազմական բազաներում տեղակայում է լրացուցիչ հակաօդային պաշտպանության համակարգեր՝ THAAD և Patriot
ԱՄՆ-ն Մերձավոր Արևելքում լրացուցիչ հակաօդային պաշտպանության միջոցներ է տեղակայում Իսրայելին, արաբ դաշնակիցներին և ամերիկյան զորքերին պաշտպանելու համար։ Այս մասին կիրակի՝ փետրվարի 1-ին, հաղորդել է The Wall Street Journal-ը, հղում անելով ԱՄՆ Պաշտպանության նախարարության տվյալներին, թռիչքների մոնիթորինգին և արբանյակային պատկերներին։
Ամերիկացի պաշտոնյաների խոսքով՝ ԱՄՆ զինված ուժերը կարող են «սահմանափակ ավիահարվածներ» իրականացնել Իրանի դեմ, եթե նախագահն այսօր հրամայի հարձակում։ Այնուամենայնիվ, ենթադրյալ «վճռական հարձակումը», հավանաբար կհանգեցնի Իրանի կողմից համաչափ պատասխանի, ինչը կպահանջի, որ ԱՄՆ-ն օդային պաշտպանության կարողություններ ապահովի՝ Իսրայելին և ամերիկյան զորքերին պաշտպանելու համար, ասել են WSJ-ին տված հարցազրույցում պաշտոնյաները։
Ինչպես պարզել է հրատարակությունը, Պենտագոնը ներկայումս տեղակայում է THAAD հակահրթիռային համակարգեր և Patriot-ի լրացուցիչ հող-օդ դասի հրթիռային գումարտակներ Մերձավոր Արևելքի ամերիկյան ռազմական բազաներում, այդ թվում՝ Հորդանանում, Քուվեյթում, Բահրեյնում, Սաուդյան Արաբիայում և Կատարում: Հոդվածում նշվում է, որ THAAD-ի տեղակայումը «հստակ նշան է, որ ԱՄՆ-ն պատրաստվում է հնարավոր հակամարտության», հաշվի առնելով այդ համակարգերի սահմանափակ պաշարները:
Ավելացնել նոր մեկնաբանություն