ԱՄՆ-ն ուժեղացնում է իր ռազմակшն ներկայությունը Մերձավոր Արևելքում. Fox News

ԱՄՆ-ն ռազմական ուժեր է ուղարկում Մերձավոր Արևելք, հաղորդում է Fox News-ը՝ հղում անելով իր աղբյուրներին։

Աղբյուրների համաձայն՝ Իրանի հետ լարվածության ֆոնին Մերձավոր Արևելք է տեղակայվում առնվազն մեկ ամերիկյան ավիակիր։ Հեռուստաալիքը նշում է, որ դեռևս պարզ չէ՝ խոսքը վերաբերում է Հարավչինական ծովում գտնվող USS Abraham Lincoln-ին, թե այս շաբաթ Նորֆոլկից և Սան Դիեգոյից մեկնած երկու նավերից մեկին։ Սպասվում է, որ տարածաշրջան ուղևորությունը կտևի առնվազն մեկ շաբաթ։

Աղբյուրները նշել են, որ  առաջիկա օրերին և շաբաթներին սպասվում է ամերիկյան ռազմական ուժերի ժամանումը Մերձավոր Արևելք՝ օդային, ցամաքային և ծովային ճանապարհներով՝ նախագահ Դոնալդ Թրամփին տարբերակներ տրամադրելու համար, եթե նա որոշի հարվածել Իրանին: 

Աղբյուրների համաձայն՝ զինվորականները պատրաստում են մի շարք տարբերակներ՝ կախված Իրանի առաջիկա օրերին ձեռնարկվող գործողություններից։ Ակնկալվում է, որ տարածաշրջանում կտեղակայվեն նաև հակահրթիռային պաշտպանության համակարգեր՝ ամերիկյան բազաները և Իսրայելը պաշտպանելու համար։