«Արևմտյան Ադրբեջանը» զուտ խոսույթ չէ, դա հստակ մշակված պետական զավթողական ծրագիր է, որն ուսուցանվում է նաև ադրբեջանական դպրոցներում. Հայրապետյան
Զուտ հիշեցնեմ, որ այս տրամաբանությամբ է սերունդ կրթվում Ադրբեջանում։ Պետությունը, որը հանրակրթական դպրոցում քարոզում է, որ Հայաստանի տարածքը իրենցն է, ՉԻ ԿԱՐՈՂ գնալ խաղաղության, որքան էլ Փաշինյանը գնա միակողմանի զիջումների՝ դրանով իսկ արագացնելով ագրեսիան մեր պետության դեմ։ Ագրեսիան կանխելու բոլոր լծակները Փաշինյանը նվիրում է Ալիեւին, մի ղեկավարի, որը սերունդ է պատրաստում նոր պատերազմի…։
Նման գրառում է կատարել ադրբեջանագետ Տաթևիկ Հայրապետյանը` մի հատված տեղադրելով ադրբեջանական դասագրքից. «Հատուկ «խաղաղություն» կառուցողների համար եմ տեղադրում եմ մի փոքր հատված Ադրբեջանի հանրակրթական դպրոցի 5-րդ դասարանի պատմության դասագրքից։
«Հայկական ԽՍՀ-ն ստեղծվել է պատմական ադրբեջանական հողերի արևմտյան մասում։ Մոսկվայի ղեկավարությունը Հայկական ԽՍՀ-ին է փոխանցել Ադրբեջանական ԽՍՀ-ին պատկանող հողերի մի մասը, այդ թվում՝ Շարուր-Դարալագյազը և Արևմտյան Զանգեզուրը: Արդյունքում Ադրբեջանը անջատվեց Նախիջևանից։ Իրենց պապենական հողերից բռնի տեղահանված մեր հայրենակիցները հետագայում ձևավորեցին Արևմտյան Ադրբեջան համայնքը։ Այս համայնքը միջազգային կազմակերպությունների առջև հանդես է գալիս Արևմտյան Ադրբեջանում մեր պատմական ժառանգության պաշտպանության և տեղահանված բնակչության իրավունքների պաշտպանության համար: Նրանք շարունակում են պայքարել իրենց հայրենիք վերադառնալու համար»։
«Արևմտյան Ադրբեջանը» դա զուտ խոսույթ չէ, քարոզչություն չէ, դա հստակ մշակված պետական զավթողական ծրագիր է, որն այսօր ուսուցանվում է նաև ադրբեջանական դպրոցներում»։
Ավելացնել նոր մեկնաբանություն