Բոլոր նրանց, ովքեր չեն կարող աշխատել, ուղարկեք բանակ․ Լուկաշենկո
Բելառուսի նախագահ Ալեքսանդր Լուկաշենկոն հրամայել է, որ այն պաշտոնյաները, ովքեր չեն կարողանում կատարել իրենց պարտականությունները, ուղարկվեն Ուկրաինայի հետ սահմանը պաշտպանելու։
«Փոխանցեք իմ հրահանգը Բելառուսի պաշտպանության նախարարին․ բոլոր նրանք, ովքեր չեն կարող աշխատել՝ բանակ և հարավային սահման։ Մեր տղաները՝ հատուկ նշանակության ջոկատները, տեղակայված են այնտեղ, իմ հրամանով ուղարկեք նրանց Ուկրաինայի հետ սահման։
Կառավարության կամ շրջանային գործադիր կոմիտեի ցանկացած պաշտոնյա, կամ ֆերմեր, որը չի կարողանում պտուտակ ամրացնել։ Թող օգնական լինի, զինամթերք տեղափոխի։ Ցանկացած թերացում՝ բանակ։ Թող այնտեղ ծառայի։ Կարող է նստել անտառում։ Այնտեղ էլ անձնակազմ է պետք։ Թող այնտեղ ծառայի բերքահավաքի շրջանում։ Ե՛վ պաշտոնյաները, և՛ նրանք, ովքեր չեն ուզում աշխատել»,-նշել է նա։
Ավելացնել նոր մեկնաբանություն