ԵՄ-ն Ուկրաինային մոտ 4 մլրդ եվրո է փոխանցել ԱԹՍ-ներ գնելու համար
Եվրահանձնաժողովը սկսել է Կիևին փոխանցել ԱԹՍ-ների գնման համար խոստացված 6 միլիարդ եվրո ընդհանուր ծավալով տրանշը, այսօր փոխանցվել է առաջին 3,9 միլիարդը։
Այս մասին հայտնել է ԵՀ ղեկավար Ուրսուլա ֆոն դեր Լյայենը։
«Այսօր մենք հատկացնում ենք 3,9 միլիարդ եվրոյի չափով առաջին տրանշը»,- գրել է նա X սոցիալական ցանցում։
Ֆոն դեր Լյայենի խոսքով՝ այդ միջոցները կուղղվեն անօդաչու թռչող սարքերի առաջատար տեխնոլոգիաներին՝ Ուկրաինայի պաշտպանությունը ամրապնդելու նպատակով։ Դիվանագետն ընդգծել է, որ մնացած միջոցները Կիևին կփոխանցվեն առաջիկա օրերին՝ ուկրաինական կողմի հայցերի մշակմանը զուգընթաց։
Ծրագիրը Ուկրաինայի` ԵՄ-ի կողմից հաստատված վարկային ֆինանսավորման փաթեթի մի մասն է, որի ընդհանուր ծավալը կազմում է 90 միլիարդ եվրո, այն նախատեսված է 2026-2027 թվականների համար։
Ավելացնել նոր մեկնաբանություն