Ես ուզում եմ բրիտանական զորքեր ուղարկել Ուկրաինա. Ջոն Հիլի
Մեծ Բրիտանիայի պաշտպանության նախարար Ջոն Հիլին հույս է հայտնել, որ Մեծ Բրիտանիան զորքեր կուղարկի Ուկրաինա խաղաղություն ապահովելու համար։ Այս մասին նա հայտարարել է The Telegraph-ին տված մեկնաբանության մեջ կիրակի՝ փետրվարի 22-ին։
Հիլին ընդգծել է, որ Ռուսաստանի պատերազմը Ուկրաինայում պետք է ավարտվի այս տարի:
«Որևէ կառավարության կամ պաշտպանության նախարարի համար ավելի մեծ բեռ չկա, քան զինված ուժերը մեկ այլ երկրում գործողության մեջ ներգրավելու որոշումը»,- ասել է նա և հավելել,- «Ես ուզում եմ լինել այն պաշտպանության նախարարը, որը բրիտանական զորքեր կուղարկի Ուկրաինա, քանի որ դա կնշանակի միայն մեկ բան. այս պատերազմը վերջապես ավարտվեց»,- բացատրել է Հիլին:
Նախարարն ընդգծել է, որ բրիտանական զորքեր ուղարկելը Ուկրաինա հնարավոր է միայն խաղաղության հասնելու դեպքում: Նախարարի խոսքով՝ «անվտանգ Եվրոպային անհրաժեշտ է ուժեղ, ինքնիշխան Ուկրաինա»:
The Telegraph-ին տված մեկնաբանության մեջ Հիլին նաև վստահեցրել է, որ Մեծ Բրիտանիայի կառավարությունը կշարունակի «ավելի վճռականորեն աջակցել» Ուկրաինային։ Մասնավորապես, երկրի իշխանությունները պլանավորում են ավելացնել ռազմական օգնությունը և նոր պատժամիջոցներով ուժեղացնել Կրեմլի վրա ճնշումը։
«Այս պատերազմը մեզ և Պուտինին ցույց տվեց մեկ կարևոր բան՝ երբեք մի թերագնահատեք ուկրաինացի ժողովրդի կամքը»,- եզրափակել է նա։
Ավելացնել նոր մեկնաբանություն