Եթե Իրանի վրա հարձակումները դադարեն, մենք նույնպես կդադարեցնենք մեր պաշտպանական գործողությունները. Արաղչի
Իրանի ԱԳ նախարար Աբբաս Արաղչին հայտարարել է.
Իրանի Իսլամական Հանրապետության անունից շնորհակալություն և երախտագիտություն եմ հայտնում իմ հարգարժան եղբայրներին՝ Պակիստանի վարչապետ Շեհբազ Շարիֆին և ֆելդմարշալ Ասիմ Մունիրին՝ տարածաշրջանում պատերազմը դադարեցնելու ուղղությամբ նրանց անխոնջ ջանքերի համար։
Պատասխանելով վարչապետ Շարիֆի եղբայրական խնդրանքին, ինչպես նաև հաշվի առնելով ԱՄՆ-ի կողմից առաջարկված 15 կետանոց ծրագրի հիման վրա բանակցություններ անցկացնելու հարցումը և ԱՄՆ նախագահի հայտարարությունը՝ Իրանի 10 կետանոց առաջարկի ընդհանուր շրջանակը որպես բանակցությունների հիմք ընդունելու վերաբերյալ, Իրանի ազգային անվտանգության բարձրագույն խորհրդի անունից հայտարարում եմ.
Եթե Իրանի դեմ հարձակումները դադարեցվեն, մեր հզոր զինված ուժերը կդադարեցնեն իրենց պաշտպանական գործողությունները։
Երկու շաբաթվա ընթացքում Հորմուզի նեղուցով անվտանգ անցումը հնարավոր կլինի՝ Իրանի զինված ուժերի հետ համակարգմամբ և տեխնիկական սահմանափակումների պատշաճ հաշվառմամբ։
Ավելի ուշ Թրամփը սոցցանցի իր էջում վերահրապարակել էլ Արաղչիի գրառումը։
Ավելացնել նոր մեկնաբանություն