Եվրոպական «բալը»՝ ադրբեջանական «տորթին». ինչո՞ւ են եվրոպացիները զինում Ադրբեջանին. Sputnik Արմենիա
Ադրբեջանը Եվրոպայից փող ու զենքի սարեր է ստանում, իսկ հայերին բաժին են հասնում ոչ ստանդարտ զրահամեքենաներ, ջերմ խոստումներ, հայանպաստ դատարկ բանաձևեր և հինավուրց հայ ժողովրդի հանդեպ «հավերժական սիրո» հավաստիացումներ, նշում է Sputnik Արմենիայի սյունակագիր Արման Աբովյանը։
Չնայած ներքաղաքական բոլոր անցուդարձերին, Հայաստանում դանդաղ, բայց հաստատուն ընթանում է ԵՄ-ին Հայաստանի անդամակցության հանրաքվե կազմակերպելու՝ բոլորովին ապուշ նախաձեռնության գովազդը։
Ընթերցողը կասի՝ դե լավ, գովազդում են, հետո՞ ինչ, դրանից վնաս չկա։
Բայց ասել, որ վնաս չկա, ես, իհարկե, չեմ համաձայնի։
Նախ արձանագրենք, որ ԵՄ-ում Հայաստանին ոչ ոք չի սպասում, և այս ամբողջ քաղաքական պոռնոգրաֆիան երկու նպատակ է հետապնդում։
Առաջին՝ իշխանությունը, իր թուրքակենտրոն ձայնակցողների միջոցով (որոնք իրենց թուրքական դեմքերը քողարկում են «արևմտամետների» ցիլինդրների տակ), ցանկանում է կրկին հիմարացնել հայերին ԵՄ-ին անդամակցելու խոստումներով և այդ սոուսի տակ առաջ տանել այն հայեցակարգը, թե «հայ ժողովրդի բոլոր կորուստներն ու նվաստացումները իզուր չեն, շուտով մենք կուշտ Եվրոպայի մաս ենք կազմելու», ինչն, ըստ էության, այնքան պարզունակ սուտ է, որ պարզապես չի տրվում նորմալ մարդկանց ռացիոնալ ընկալմանը։
Սակայն երկրորդ և հիմնական խնդիրը ռուսատյացության և իրանաֆոբիայի հրահրումն է՝ զուգահեռաբար առաջ մղելով այն գաղափարը, թե «քանի դեռ չենք խզել ռուսների հետ, Եվրոպա չենք կարող տեսնել», ինչն իր հերթին համապատասխանում է հավաքական Արևմուտքի հակահայկական հայեցակարգին՝ Հայաստանի անվտանգության առումով ռազմավարական կլանման տեսքով, որին հաջորդում է Հայաստանի կլանումը (իմա՝ ոչնչացումը) թուրք-ադրբեջանական տանդեմի կողմից։
Ամբողջական հոդվածը՝ սկզբնաղբյուր կայքում
Ավելացնել նոր մեկնաբանություն