Հարստացված ուրանի վերաբերյալ բանակցություններ չեն եղել․ Իրանի ԱԳՆ
Հարստացված ուրանի վերաբերյալ բանակցություններ չեն եղել։ ԱՊԱ-ի Թեհրանի բյուրոյի հաղորդմամբ՝ այս մասին այսօր կայացած ճեպազրույցի ժամանակ հայտարարել է Իրանի արտաքին գործերի նախարարության խոսնակ Էսմայիլ Բաղային՝ մեկնաբանելով ԱՄՆ նախագահ Դոնալդ Թրամփի հայտարարությունն այն մասին, որ Չինաստանը օգնում է լուծել Իրանի հարստացված ուրանի հարցը։
Բաղայիի խոսքով, Իրանը գիտակցում է, թե անհրաժեշտության դեպքում ինչ քայլեր պետք է ձեռնարկի միջուկային հարցի վերաբերյալ, և այս փուլում միջուկային հարցերով բանակցություններ չեն վարվել։
Նա նաև նշել է, որ մյուս կողմը անընդհատ փոխում է իր դիրքորոշումը, ներկայացնում նոր պահանջներ և ուղարկում հակասական ազդանշաններ, ինչը երկարաձգում է բանակցային գործընթացը։
Իրանի ԱԳՆ խոսնակը չի ներկայացրել միջուկային բանակցությունների հնարավոր ընթացքի վերաբերյալ լրացուցիչ մանրամասներ։
Ավելացնել նոր մեկնաբանություն