ԻՀՊԿ-ն գիշերը հրթիռային հարվածներ է հասցրել Իսրայելին. վերջինս օբյեկտներ է թիրախավորել Թեհրանում
Ի պատասխան Լիբանանում Իսրայելի ռազմական գործողությունների ընդլայնման՝ ԻՀՊԿ-ն գիշերը հրթիռային հարվածներ է հասցրել Իսրայելին՝ զգուշացնելով, որ գործողությունների շարունակման կամ Իրանին պատասխանելու դեպքում ավելի ծանր հարվածներ կհասցնի։
Առավոտյան լուրեր են շրջանառվել, որ Իսրայելը օբյեկտներ է թիրախավորել Թեհրանում, Սպահանում, Թավրիզում։ Առայժմ Իրանից հաստատել են Մահշահրում նավթաքիմիական ընկերության դեմ հարձակումը:
Մինչև այդ էլ ԱՄՆ-ն էր Պարսից ծոցի իրանական կղզիներում օբյեկտներ խոցել: Թեհրանն էլ պատասխանել էր Քուվեյթում ու Բահրեյնում օբյեկտների թիրախավորմամբ:
Իրան-ԱՄՆ նման փոխադարձ հարվածները վերջին շրջանում պարբերական էին դարձել: Իսրայելի պարագայում սա ապրիլի հրադադարից հետո առաջին դեպքն է:
«Իրանն այսօր» տելեգրամյան ալիք
Ավելացնել նոր մեկնաբանություն