Իրանի ԱԳՆ-ն ԱՄՆ զինվորականներին կոչ է արել լքել Մերձավոր Արևելքի երկրները
Իրանի արտաքին գործերի նախարար Աբաս Արաղչին Միացյալ Նահանգներին կոչ է արել դուրս բերել իր զորքերը Մերձավոր Արևելքի երկրներից։
«Մեր զինված ուժերն անպատասխան չեն թողնի ոչ մի հարձակում կամ սպառնալիք։ Հեռացե՛ք մեր տարածաշրջանից, եթե ցանկանում եք անվտանգ լինել», - գրել է նա X սոցիալական ցանցում։
Ավելի վաղ ԱՄՆ զինված ուժերի Կենտրոնական հրամանատարությունը հայտնել էր Իրանին հարվածներ հասցնելու մասին։ Դա տեղի էր ունեցել այն բանից հետո, երբ Հորմուզի նեղուցի վրա խոցվել էր ամերիկյան «Apache» ուղղաթիռը։ Ի պատասխան դրան՝ Իսլամական հեղափոխության պահապանների կորպուսը (Իրանի զինված ուժերի էլիտար ստորաբաժանումները) գրոհել էր Մերձավոր Արևելքում գտնվող ամերիկյան ռազմաբազաները։
Ավելացնել նոր մեկնաբանություն