Իսրայելը նոր հարվածներ է հասցրել Թեհրանին և Բեյրութին
BBC-ի հաղորդմամբ՝ Իսրայելի բանակը հայտնել է, որ հարվածներ է հասցրել Իրանի մայրաքաղաք Թեհրանին և Լիբանանի մայրաքաղաք Բեյրութին։
«Իսրայելի պաշտպանության բանակը ներկայումս միաժամանակ թիրախային հարվածներ է հասցնում Թեհրանում և Բեյրութում գտնվող ռազմական թիրախներին», - ասվում է հայտարարության մեջ։
Հարվածները կատարվել են այն բանից կարճ ժամանակ անց, երբ Իսրայելի բանակը «անհետաձգելի նախազգուշացում» է տարածել Բեյրութի հարավային արվարձանների և տասնյակ գյուղերի բնակիչներին՝ կոչ անելով նրանց տարհանվել։
Իսրայելի պաշտպանության բանակը նախկինում հայտարարել էր, որ հարվածների թիրախներն են եղել Իրանի կողմից աջակցվող «Հեզբոլլահ» խմբավորմանը պատկանող հրամանատարական կենտրոններն ու պահեստները։
Ավելացնել նոր մեկնաբանություն