ՆԱՏՕ-ի երկրների ռազմական ծախսերը և երկրների միջև բյուջետային ճեղքվածքն ավելանում են

ՆԱՏՕ-ի դաշինքի անդամ 30 երկրներից միայն 11-ին է հաջողվել կատարել 2 տոկոս ծախսերի նպատակը։

«Ifo Institute»-ի ռազմական փորձագետ Մարսել Շլեպերի և ինստիտուտի կողմից պատրաստված զեկույցի համաձայն՝ ՆԱՏՕ-ի արևելյան սահմանին գտնվող երկրները հիմնականում կարևոր դեր են ունեցել ծախսերի երկու տոկոս նպատակակետին հասնելու համար:

Ըստ զեկույցի՝ Արևմտյան Եվրոպայի երկրները դեռ զգուշությամբ ավելացնում են իրենց պաշտպանական ծախսերը։

Օրինակ՝ Գերմանիան՝ ՆԱՏՕ-ի առանցքային անդամը, խոստացել է ավելացնել պաշտպանական ծախսերն ընդամենը 0․1 տոկոսային կետով՝ մինչև 2023 թվականը ՀՆԱ-ի 1․6 տոկոսի հասնելու համար: Թեև սա կարող է առաջընթաց թվալ, սակայն այն բավականին զիջում է 2 տոկոս թիրախին:

ՆԱՏՕ-ի երկրների պաշտպանության միջին ծախսերն առանց ԱՄՆ-ի 2023 թվականին կազմել են ՀՆԱ-ի 1․8 տոկոսը։ Սակայն երբ ներառվում է ԱՄՆ-ն, այս ցուցանիշը հասնում է 2․6 տոկոսի: Սա ընդգծում է ԱՄՆ-ի զգալի ներդրումը դաշինքի պաշտպանական ծախսերում:

ՆԱՏՕ-ի բոլոր երկրների, այդ թվում՝ ԱՄՆ-ի միացյալ պաշտպանական ծախսերը 2023 թվականին գնահատվում են 1․2 տրլն եվրո։

Զեկույցում ուշագրավ բացառություն էր Լեհաստանը, որը զգալի առաջընթաց է գրանցել պաշտպանական ծախսերի ավելացման ուղղությամբ: Երկիրը գրեթե կրկնապատկել է պաշտպանական ծախսերի իր մասնաբաժինը մինչև 2021 թվականը՝ հասնելով ՀՆԱ-ի 4․3 տոկոսին և դրանով զբաղեցնելով երկրորդ հորիզոնականը։

ԱՄՆ-ն, իր բյուջեի 3․3 տոկոսը ծախսելով պաշտպանության վրա, ՆԱՏՕ-ի երկրների շարքում պաշտպանական ծախսերով զբաղեցրել է առաջին տեղը: Վարկանիշային աղյուսակում բալթյան երկրներն են Էստոնիան՝ 2․9 տոկոսով և Լիտվան՝ 2․6 տոկոսով։