Արցախում գտնվող հայկական ռազմական և կիսառազմական կազմավորումները պետք է զինաթափվեն. Ալիև
Ադրբեջանի նախագահ Իլհամ Ալիևը հուլիսի 5-ին Բաքվում Չմիավորման շարժման համակարգող բյուրոյի նախարարական հանդիպմանն ունեցած ելույթի ժամանակ նշել է.
- Եթե Հայաստանը շահագրգռված է տարածաշրջանում խաղաղությամբ, ապա նրա զինված ուժերը պետք է ամբողջությամբ դուրս բերվեն Արցախից (խմբ.):
- Հակամարտության ավարտից անմիջապես հետո Ադրբեջանը Հայաստանին ներկայացրել են միմյանց ինքնիշխանության և տարածքային ամբողջականության փոխադարձ ճանաչման վրա հիմնված խաղաղության համաձայնագրի ստորագրման հինգ հիմնական կետերը։
- Չնայած նրան, որ Հայաստանը ստիպված է ճանաչել Արցախը (խմբ.) որպես Ադրբեջանի մաս, Ադրբեջանի տարածքներում, որտեղ ժամանակավորապես տեղակայված են ռուս խաղաղապահները, դեռևս կան հայկական զինված ուժեր:
- Արցախում գտնվող հայկական ռազմական և կիսառազմական կազմավորումները պետք է զինաթափվեն:
- Հայաստանը նաև խոչընդոտում է «Զանգեզուրի միջանցքի» բացումը, որն Ադրբեջանի հիմնական մասը կապելու է Նախիջևանի Ինքնավար Հանրապետության հետ. ևս մեկ պարտավորություն, որը ներառված է շուրջ 3 տարի առաջ ստորագրած կապիտուլյացիայի ակտում։
Այս մասին, «Դետքի» հաղորդմամբ, հայտնում է ադրբեջանական «Report» կայքը։
Ավելացնել նոր մեկնաբանություն