Սուդանի բռնություններն ավելի են սրվում, իսկ պարագլուխները հերքում են Դարֆուրի ռազմական հանցագործությունները

«Մայրաքաղաքի արևելքում և հյուսիս-արևմուտքում բանակի կործանիչները թիրախավորել են հենակետերը, որոնք պատկանում են «Արագ աջակցության ուժերին» (RSF), վերջիններս էլ պատասխանել են հակաօդային զենքերով»,- AFP-ին ասել են ականատեսները:

Տեղական թաղամասերից մեկում՝ Օմբադայում, առնվազն 5 մարդ զոհվել է, ևս 17-ը՝ վիրավորվել Խարթումի հյուսիս-արևմուտքում տեղի ունեցած պայթյունի հետևանքով, սակայն զոհերի թիվը հավանաբար կավելանա, քանի որ «ավելի շատ զոհեր են դուրս բերվել փլատակների տակից»:

Ըստ ականատեսների՝ RSF-ի անօդաչու սարքերը թիրախավորել են Խարտումի ամենամեծ ռազմական հոսպիտալը: Շաբաթ օրը նույն հաստատության վրա տեղի ունեցած նմանատիպ հարձակումը հանգեցրել է 5 զոհի և 22 վիրավորի, հայտնել է բանակը:

Նախնական տեղեկությունների համաձայն՝ բանակի ղեկավար Աբդել Ֆաթահ ալ-Բուրհանի և նրա նախկին տեղակալ, RSF-ի հրամանատար Մուհամեդ Համդան Դագլոյի միջև պատերազմը սպանել է մոտ 3000 մարդու, սակայն ենթադրվում է, որ զոհերի իրական թիվը շատ ավելին է:

Ըստ Միգրացիայի միջազգային կազմակերպության՝ ևս երեք միլիոն ներքին տեղահանված կամ փախստական կա:

Բռնությունը դադարեցնելու դիվանագիտական ջանքերը շարունակվում են, սակայն արդյունք չեն տվել, և բազմաթիվ հրադադարներ խախտվել են։

Շաբաթ օրը (պատերազմի չորրորդ ամիսը) կառավարության աղբյուրն AFP-ին հայտնել էր, որ բանակի պատվիրակությունը վերադարձել է Սաուդյան Արաբիայի Ջիդդա քաղաք՝ վերսկսելու զինադադարի բանակցությունները, սակայն դրանց մասին հաղորդագրություններ չկան ո՛չ RSF-ից, ո՛չ էլ միջնորդներից:

Դարֆուրի շրջանի Կաս քաղաքում կիրակի ականատեսները հաղորդել են «տարբեր տեսակի զենքերի օգտագործմամբ ծանր բախումների մասին»:

Զինվորականները հայտարարության մեջ ողջունել են իրենց «խոշոր հաղթանակը» քաղաքում, ինչպես նաև Արևելյան Դարֆուրի ոստիկանական ուժերի որոշումը՝ «ինտեգրվել RSF-ին» այն բանից հետո, երբ Հարավային Դարֆուրի տեղական ցեղերի ղեկավարները նույնպես հավատարմության երդում են տվել պարագլուխներին:

Դատարանի գլխավոր դատախազը նոր հետաքննություն է սկսել ընթացիկ մարտերում կասկածվող ռազմական հանցագործությունների, այդ թվում՝ սեռական բռնության և իրենց ազգային պատկանելության համար թիրախ դարձած քաղաքացիական անձանց վերաբերյալ:

Նշենք, որ 2000-ականների սկզբին «Ջանջավիդ» աշխարհազորը, որը զինված էր, Դարֆուրում պատերազմ սանձազերծեց ազգային փոքրամասնությունների դեմ:

ՄԱԿ-ի գնահատականներով՝ այդ հակամարտությունը խլեց ավելի քան 300.000 կյանք, իսկ 2.5 միլիոն մարդ տարհանվեց:

Այն ժամանակ կատարված վայրագությունները ստիպեցին Միջազգային քրեական դատարանին մեղադրել նախկին բռնապետ Օմար ալ-Բաշիրին հանցագործությունների մեջ, այդ թվում՝ մեղադրել ցեղասպանության մեջ: