Բայրամովը հանդիպել է ԱՄՆ պետքարտուղարության կովկասյան բանակցությունների գծով գլխավոր խորհրդականի հետ
Օգոստոսի 3-ին Ադրբեջանի արտաքին գործերի նախարար Ջեյհուն Բայրամովը հանդիպել է ԱՄՆ պետքարտուղարության կովկասյան բանակցությունների գծով գլխավոր խորհրդական Լուի Բոնոյի հետ։
Այս մասին, «Դետքի» հաղորդմամբ, հայտնում է ադրբեջանական «Report» կայքը։
Հանդիպման ընթացքում քննարկվել են Ադրբեջանի և Հայաստանի միջև «խաղաղության» գործընթացը, տարածաշրջանում տիրող իրավիճակը, Ադրբեջանի և Հայաստանի միջև բանակցությունների ներկա իրավիճակը և հեռանկարները։
Խեղաթյուրելով իրականությունը՝ Բայրամովը նշել է, թե իբր Հայաստանը հավակնություններ ունի Ադրբեջանի տարածքային ամբողջականության նկատմամբ։ Բացի դրանից՝ նա ասել է, թե իբր Հայաստանի «սադրանքները» խոչընդոտում են տարածաշրջանում կայունության հաստատումը։
#Դետքի_հետագծով
Ակնհայտ է, որ Ադրբեջանն ինքը տարածքային հավակնություններ ունի Հայաստանի նկատմամբ, այդ իսկ պատճառով շրջանառության մեջ է դրել արհեստածին «Արևմտյան Ադրբեջան» հասկացությունը՝ նկատի ունենալով ՀՀ սուվերեն տարածքը։ Ինչ վերաբերում է սադրանքներին, Ադրբեջանն է պարբերաբար դիմում տարբեր սադրանքների, բայց զուգահեռ անհիմն մեղադրում Հայաստանին։
Ավելացնել նոր մեկնաբանություն