Հայկական Շուշի քաղաքում տեղի է ունենում «Թյուրքական ընդհանուր սեղան» խորագրով միջոցառում
Թշնամին պատմականորեն հայկական Շուշի քաղաքում թյուրքական աշխարհի ընդհանուր խոհանոցի շնորհանդես է անցկացնում։ Շնորհանդեսում ներկայացված են թյուրքալեզու երկրների ազգային խոհանոցի նմուշներ, հայտնում է APA գործակալությունը։
Մեկնաբանելով միջոցառումը՝ Ադրբեջանի զբոսաշրջության պետական գործակալության նախագահի տեղակալ Ազադա Հուսեյնովան նշել է, որ «միջոցառման անցկացումը հատկապես Շուշիում նշանակալի իրադարձություն է»:
«Շուշին հպարտության տեղ է բոլորիս համար։ Մենք շատ ընդհանուր արժեքներ ունենք թյուրքական պետությունների հետ գաստրոնոմիայի բնագավառում»,- ասել է նա։
Ադրբեջանը շարունակում է համագործակցությունը թյուրքալեզու պետությունների հետ տարբեր բնագավառներում։
Հայկական Շուշին ժամանակավորապես օկուպացված է Ադրբեջանի կողմից։
Ավելացնել նոր մեկնաբանություն