Ջեյհուն Բայրամովը Բլինքենի օգնականի հետ քննարկել է Հայաստանի հետ հարաբերությունների կարգավորման գործընթացը
Ադրբեջանի արտգործնախարար Ջեյհուն Բայրամովը հանդիպել է ԱՄՆ պետքարտուղարի Եվրոպայի և Եվրասիայի հարցերով օգնական Ջեյմս Օ՛Բրայենի հետ։
Այս մասին, «Դետք»-ի հաղորդմամբ, հայտնում է Ադրբեջանի արտաքին գործերի նախարարությունը։
Հանդիպման ընթացքում քննարկվել են երկու երկրների երկկողմ և բազմակողմ համագործակցության օրակարգը, տարածաշրջանում տիրող իրավիճակը, ինչպես նաև Ադրբեջանի և Հայաստանի միջև հարաբերությունների կարգավորման գործընթացի հեռանկարները։
Նախարար Ջեյհուն Բայրամովն ընդգծել է, որ Ադրբեջանը` որպես Հայաստանի հետ «խաղաղության գործընթացի հիմնական քայլերի նախաձեռնող», շահագրգիռ կողմ է տարածաշրջանում խաղաղության և կայունության հաստատման գործում։
Հանդիպմանը մտքեր են փոխանակվել երկկողմ և տարածաշրջանային այլ հարցերի շուրջ։
Ավելացնել նոր մեկնաբանություն