Հայաստանը Հնդկաստանից կարող է գնել «Ակաշ» զենիթահրթիռային համակարգեր. ԶԼՄ

«Ակաշ» համալիրը կարող է միաժամանակ մի քանի թիրախներ ոչնչացնել, որոնք թռչում են 4–25 կիլոմետր շառավղով։

ԵՐԵՎԱՆ, 15 դեկտեմբերի – Sputnik. Հայաստանը Հնդկաստանից պլանավորում է գնել «Ակաշ» փոքր հեռահարության զենիթահրթիռային համակարգեր խոցելի տարածքներն ու կետերը օդային հարձակումներից պաշտպանելու համար։ Այս մասին գրում է «EurAsianTimes» պորտալը, փոխանցում է «Sputnik Արմենիա»-ն։

Նշվում է, որ այս տեղեկությունը պաշտոնապես չի հաստատվում, սակայն փաստաթղթերը հնարավորություն են տալիս ենթադրելու, որ այդ սպառազինության պատվերն արդեն արված է։

«Ակաշ» համալիրը կարող է միաժամանակ մի քանի թիրախներ ոչնչացնել խմբային կամ ինքնավար ռեժիմով։ Համալիրները շարժական են և կարող են խոցել ուղղաթիռներ, ԱԹՍ–ներ և այլ սարքեր, որոնք թռչում են 4–25 կիլոմետր շառավղով։

«Ենթադրվում է, որ «Ակաշ» ԶՀՀ պատվերներն արդեն ստացվել են, և Հայաստանը դիտարկվում է որպես արտահանման ամենահավանական ուղղություն»,–գրում է պորտալը:

Ամբողջական հոդվածը՝ սկզբնաղբյուր կայքում։