Մակրոնը և Սի Ցզինպինը կողմ են Իրանի միջուկային խնդրի խաղաղ կարգավորմանը
Չինաստանի նախագահ Սի Ցզինպինը և Ֆրանսիայի նախագահ Էմանուել Մակրոնը հանդես են եկել Իրանի միջուկային խնդրի խաղաղ՝ դիվանագիտական և քաղաքական միջոցներով կարգավորման օգտին։
Ըստ «Դետք»-ի՝ տեղեկությունը հայտնում է Չինաստանի կենտրոնական հեռուստատեսությունը։
«Չինաստանը և Ֆրանսիան հաստատում են, որ ջանքեր կգործադրեն իրանական միջուկային խնդրի քաղաքական և դիվանագիտական կարգավորմանը նպաստելու համար»,- հայտնում է լրատվամիջոցը։
Ավելի վաղ՝ ապրիլի 10-ին, ամերիկյան «The Washington Post»-ը, հղում անելով աղբյուրներին, գրել էր, որ Իրանն ավելի քան երբևէ մոտ է միջուկային զենք ստեղծելուն, ինչը 2018 թվականին միջուկային գործարքից ԱՄՆ-ի դուրս գալու հետևանք է։ Ապրիլի 20-ին գերմանական «Bild» թերթը գրել էր, որ երկիրը կարող է միջուկային զենք ստանալ ընդամենը մի քանի շաբաթվա ընթացքում։
Ավելացնել նոր մեկնաբանություն