Բաղրամյան պողոտայում տեղի ունեցածի հետևանքով բուժօգնության է դիմել 101 անձ․ ԱՆ

ՀՀ առողջապահության նախարարությունը 09։30-ի դրությամբ թարմացրել է տեղեկատվությունը և հայտնել, որ Բաղրամյան պողոտայում տեղի ունեցած իրադարձությունների հետևանքով բուժօգնության են դիմել 101 քաղաքացիական անձ և ոստիկան։

85 հոգի անհրաժեշտ բուժօգնություն ստանալուց հետո դուրս է գրվել։

Դաստակի վնասվածք ստացած պացիենտի առողջական վիճակը վիրահատությունից հետո գնահատվում է բավարար։

Մյուս 16 անձ ստանում է անհրաժեշտ բուժօգնություն, ունի թեթև և միջին ծանրության վնասվածքներ։