Փորձագետ. Ռուսաստանը անհրաժեշտության դեպքում կարող է ռազմական լուծում տալ հաղորդակցությունների ապաշրջափակման խնդրին. «News.am»

«News.am». Այս պահին Ադրբեջանի և Թուրքիայի կողմից ռազմական ճանապարհով հաղորդակցությունների ապաշրջափակման հարցի լուծումը քիչ հավանական է։ Այս մասին «NEWS.am»-ի թղթակցի հետ զրույցում ասել է տարածաշրջանային հարցերով փորձագետ Արմեն Պետրոսյանը։

Նրա գնահատմամբ՝ միայն Ռուսաստանը կարող է իրեն թույլ տալ այս պահին նման պահվածք, եթե հասկանա, որ ինչ-որ բան է կատարվում, որն իրեն դուրս է հանում գործընթացներից։ Նա բացատրել է, որ Ռուսաստանն ինքը կարող է նման քայլի դիմել։

Պետրոսյանը հավելել է, որ Ռուսաստանն արդեն հատել է կարմիր գծերը Ուկրաինայում, և եթե դա մեկ անգամ արել է մի տեղ, ապա հնարավոր է, որ նույնը անի մեկ այլ վայրում։

Փորձագետը ենթադրում է, որ նոյեմբերի 9-ի հայտարարության շրջանակում կատարված խախտումները և որոնք հակասում են Ռուսաստանի շահերին, հնարավոր են դարձել Մոսկվայի կամքով, որը որոշ գործարքներ է կնքել, երբ զիջել է վերահսկողությունը Լաչինի միջանցքի նկատմամբ, դուրս է բերել զորքերը Լեռնային Ղարաբաղից և այլն։

Արմեն Պետրոսյանն ընդգծել է, որ Ռուսաստանի շահն այն է, որ թուրք-ադրբեջանական կամ ամերիկյան նախագիծը չշրջանցի իրեն: